İsveçin Qottenberq şəhərində “İFLA-2010” Beynəlxalq kitabxana konfransı keçirilib.

Kitabxana-informasiya sahəsində ali təşkilat olan İFLA-nın (Kitabxana Assosiasiyalarının Beynəlxalq Federasiyası) konfransında dünyanın 150 ölkəsindən 2500-dən artıq kitabxana mütəxəssisi iştirak edib. Azərbaycan bu konfransda Mədəniyyət və Turizm, Xarici İşlər nazirlikləri, Prezident Kitabxanası və F.Köçərli adına Respublika Uşaq Kitabxanasının nümayəndələrilə təmsil olunub.

Azərbaycanın dünya şöhrətli bəstəkarı Qara Qarayev adına beynəlxalq müsabiqə və konfrans YUNESKO-nun tədbirlər siyahısına salınıb. Bu barədə YUNESKO üzrə Azərbaycan Respublikası Milli Komissiyasının Daimi Katibliyinin birinci katibi Günay Əfəndiyevanın Bakı Musiqi Akademiyasının rektoru Fərhad Bədəlbəyliyə ünvanlanan məktubunda bildirilir.

Məlum olduğu kimi DAK fəxri sədri Prof.Q.S.Təbrizi son günlərdə bir həftə müddətində Ukraynada səfərdə olmuş və orada yaşayan soydaşlarımızla, diaspora nümayədələri və Ukraynanın bir sıra dövlət rəsmilərilə görüşlər keçirmişdir. DAK fəxri sədri Ukrayna səfərinin yekunları və oradakı təəsüratlarını Azərbaycan mətbuatı ilə yanaşı həmin ölkənin Azərbaycandakı diplomatik nümayəndələrilə də bölüşmək üçün 03 iyun 2010-cu il tarixində Ukrayana səfirliyində görüş keçirmiş və orda səfərdə olduğu müdətdə Ukrayna dövlətinin və xalqının Azərbaycan dövlətinə və xalqına müsbət münasibətin canlı şahidi olduğunu bildirmişdir.

Hörmətli soydaşlar və media nümayəndələri!
Məlum oldugu kimi DAK-in fəxri sədri professor Qulamrza Səbri Təbrizi DAK-ın Ukrayna nümayəndəliyinin rəhbəri Oktay Rüstəmovun dəvəti ilə 23 may 2010-cu il tarixindən etibarən həmin ölkədə səfərdədir. DAK fəxri sədri Ukrayananın Kiyev, Xarkov və başqa şəhərlərində yaşayan soydaşlarımızla və orada fəaliyyət göstərən diaspor təşkilatları ilə yanaşı Ukrayna dövlət rəsmilərilə də görüşlər keçirib. Səfərin ilk gunu DAK-in fəxri sədri professor Qulamrza Səbri Təbrizi və DAK-ın Ukrayna nümayəndəliyinin sədri Oktay Rüstamov Millətlər və dini məsələlər üzrə Dövlət Komitəsinin sədri cənab Reşetnikov Yuriy Yevgenieviç ilə görüş keçirmişdir.

Amerika-Azərbaycan Şurasından verilən məlumata görə, ABŞ-ın Kaliforniya ştatının bir sıra şəhər və bölgələrində mayın 28-i “Azərbaycan Milli Günü” elan ediləcəkdir. Bu haqda diaspor təşkilatına Kaliforniya ştatının yerli icra hakimiyyətlərindən daxil olan təbrik məktublarında deyilir. Xüsusilə, Cənubi Kaliforniyanın Orenc dairəsinin və Irvin şəhərinin şuralarının qərarlarına görə, Amerikanın Azərbaycan mənşəli icmasının ştatın mədəni müxtəlifliyi, siyasi və iqtisadi həyatına verdiyi töhfələri nəzərə alaraq, onların yaşadıqları ərazilərin sakinləri Azərbaycan Xalq Cümhuriyyətinin yaranmasının ildönümünü bayram edəcəklər.